පෝර්ට් සිටි විරෝධී ජනතා ව්‍යාපාරයේ නියෝජීතයින් පිරිසක් වෙරළ සංරක්‍ෂණ දෙපාර්තමේන්තුවේ අධ්‍යක්‍ෂ ජනරාල් තුමාව මුණගැසී

අද දින පෝර්ට් සිටි විරෝධී ජනතා ව්‍යාපාරයේ නියෝජීතයින් පිරිසක් වෙරළ සංරක්‍ෂණ දෙපාර්තමේන්තුවේ අධ්‍යක්‍ෂ ජනරාල් තුමාව මුණගැසුනු අතර එහිදී වරාය නගරය ව්‍යාපෘතිය ඉදි කිරීම සඳහා වැලි ලබා ගැනීම වෙරළේ සිට කිලෝ මීටර් 10කට එපිටින් සිදු කරන බවට රජය එකඟ වු වද, අද වන විට වෙරළේ සිට කිලෝ මීටර් 4 ක දුරින් සිට වැලි ලබා ගැනීම ආරම්භ කර ඇති බැවින් මේ පිළිබඳ වෙරළ සංරක්‍ෂණ දෙපාර්තමේනතුවට වාර්ථා කිරීමටත් මේ වන විටත් බසියවත්ත උස්වැටකෙයියාව යන ප‍්‍රදේශ වල වෙරළ තීරයේ සිදුවෙමින් පවතින මහා වෙරළ ඛාදන තත්වයන් පිළිබඳ වාර්තා කිරීමටත්ය.
එහි දී වැලි ගැනීම පිළිබඳ ජනතාව හා රජය අතර කුමණ එකඟතාවයක් පැවතියද නීතිමය අවසර තිබෙන්නේ වෙරළෙ සිට කිලෝ මීටර 5ක මුහුදු සීමාවෙන් එපිටින් බවත්, එය ඔවුන් අනුගමනය කල යුතු බවත් පැවසූ අතර වාර්තා කරන ලද තොරතුරු අනුව මෙහි සැබෑ තතු සොයා බැලා අවශ්‍ය කඩිනම් පියවරයන් ගන්නා බව අධ්‍යක්‍ෂ ජනරාල් වරයා පැවසීය.

ආසියාවේ හොඳම කලපුව වන මීගමු කලපුව අද වනවිට මල කලපුවක් බවට පත් කරමින් තිබේ

ආසියාවේ හොඳම කලපුව වන මීගමු කලපුව අද වනවිට මල කලපුවක් බවට පත් කරමින් තිබෙන බව මෙරට පමණක් නොව විදෙස් පරිසර වේදීන් හා මද්ධය හරහා පැතිරෙමින් පවතින අතර එහි සැබෑ තතු කලපු ධීවර ජනතාවගෙන් අසු විට හද කම්පා කරවන තත්ත්වක් මීගමු කලපුවට උද වෙමින් තිබේ තිබේ.

රටේ නීතියක් තිබුනත් ඒවා රකින්න නිලධාරීන්ට කිසිදු උවනාවක් නැති අතර කලපුව විනාශකරන අයගෙන් අල්ලස් අරගෙන නීතිය ක්‍රියාත්මක නොකරන බවට ප්‍රධාන සාධකය ලෙස මෙම කලපුව මෙලෙස විනාශවීම පෙන්වාදිය හැකි බව ධීවර ජනතාව කියා සිටී.

මීගමු කලපුවද මුහුදුබත් වී තැන තැන දුපත් නිර්මාණය වේ විද.

ජුලි මස 31 වන දින සවස මීගමුව කුරුසපල්ලිය ප‍්‍රදේශයේ දි පැවති කොළඹ වරාය නගර ව්‍යාපෘතිය පිළිබඳ මීගමු කළපු ධීවර ජනතාව දැනුවත් කිරීමේ රැුස්වීමට සහභාගි වු ධීවර ජනතාව දැක්වු අදහස් අතර, වර්ථමාන පාලකයින් නිර්ලජ්ජිත අයුරින් පොරොන්දු කඩකරමින් සිටින බවත් පෝට් සිටිය ඉදි කිරීමෙන් මහත් විනාශයක් මුළු රටටම සිදුවන බවත් දැනදැනම එය ඉදි කිරීමට අවසර දීම රටේ ජනතාව ගොනාට අන්දා ඡුන්දය ලබාගෙන රටේ අනාගත දරුපරපුරේ උරුමයන් විදේශිකයන් වෙනුවෙන් මුහුදුබත් කරන  බවත්, දෙවියන්වහන්සේ වෙනුවෙන් පෙනී සිටින කතෝලික සභාවේ සමහර පූජකතුමන්ලාද ජනතාව මොඩයින් සේ සලකා ජනතාවට නිසි ඇහුන්කන් දීමකින් තොරව දෙවියන්වහන්සේගේ මැවිල්ල විනාශකර දැමීමට දුෂ්ඨ පාලකයින් අතට පවා දුන් බැවින් කතොලික සභා නායකයින් කෙරෙහි ඇති විෂ්වාසයන්ද නැවතවතාවක් බිඳ දැමු බවද පෙන්වා දුන් අතර මෙම වරාය නගර ව්‍යාපෘතිය කෙසේ හෝ නවතා දැමුවේ නැතිනම්, මෙය ඉදි කිරීම හේතුවෙන් දැනටමත් මුහුණ දෙන විනාශ කාරී තත්වයන් හේතුවෙන් ඉදිරි වසර දෙක තුන තුළ සිදුවිය හැකි විනාශයන් සිතාගැනීමටවත් නොහැකි තරම් බවත්, මීගමු කලපුවද මුහුදුබත් වී තැන තැන දුපත් නිර්මාණය වේ යයි පැවසු අතර මෙම වරාය නගර ව්‍යාපෘතිය නතර කර ගැනීමට ගන්නා ඔනෑම ක‍්‍රියාවලියකට සහයෝගය දක්වන බවත් ඔවුන් පවසා සිටිය බව මාකස් ප‍්‍රනාන්දු මහතා පැවසීය.